Tentoi të kalonte kufirin me 13.5 kilogramë drogë, arrestohet 36-vjeçari në Përmet

Në pikën kufitare në “Tre Urat në Përmet janë kapur nga policia 13.5 kilogramë lëndë e dyshuar narkotike Cannabis Sativa. Në prangat e policisë ka rënë një 36 vjeçar, Joan Haska. 

DETAJE:

Më datë 09.12.2017, në kuadër të planit të masave për parandalimin dhe goditjen e trafikut të lëndëve narkotike, në Pikën Kufitare Tre Urat, Përmet, shërbimet e Policisë Kufitare në bashkëpunim me shërbimet doganore kanë evidentuar dhe goditur një rast të tentativës për trafik të lëndëve narkotike.

Në dalje të Republikës së Shqipërisë është paraqitur shtetasi J. H. me automjetin e tij.

Pas përfundimit të procedurave të kontrollit të dokunentacionit, punonjësit e Policisë Kufitare, e kanë kaluar automjetin në vijën e dytë për një kontroll më të imtësishëm.

Gjatë kontrollit të ushtruar në vijën e dytë, në një vend të përshtatur në shasin e mjetit u gjet lëndë e dyshuar narkotike Cannabis Sattiva.

Pesha totale e lëndës rezultoi 13.5 kg, e cila u sekuestrua në cilësinë e provës materiale.

Nga specialistët e seksionit të Hetimit të Narkotikëve në D.V.P Gjirokastër u bë arrestimi në flagrancë i shtetasit :

1. H, 36 vjeç , banues në fshatin Mashkullorë, Gjirokastër.

Materialet proçeduriale i kaluan Prokurorisë së Rrethit Gjyqësor Përmet për veprën penale “Trafikimi i narkotikëve “, parashikuar nga neni 283/a i Kodit Penal. (J.V/Faxweb)