Një 50-vjeçar është vënë në prangat e Policisë së Pogradecit pas tentativës për të korruptuar efektivët e Policisë Rrugore.
Ngjarja mësohet se ka ndodhur rreth orës 23:20 të 16 janarit në hyrje të qytetit të Pogradecit, ku në ndalimin e tij nga policia që kishte ngritur një pikë kontrolli, shtetasi Kasem Çoçi ka tentuar të korruptojë duke i dhënë policëve një kartmonedhë 2.000 lekëshe.
I ndaluari nga policia, rezulton person pa precedent penalë të mëparshëm. Me 8 klasë shkollë dhe i papunë, gjendja familjare i martuar.
Detaje të Policisë së Pogradecit:
Me datëe 16.01.2016 ora 23.30 nga ana e komisaraitit të policise Pogradec u bë arrestimi në flagrancë i shtetasit: Kasem Çoçi i biri i Barjam dhe i Gurije dt. 18.06.1966 lindur dhe banues në lagjen Nr 8 qyteti Korçë rrethi Korçë, gjinia mashkull, kombësia Shqiptare, shtetësia Shqiptare, arsimi 8 klasë, profesioni pa punë, gjendja familjare i martuar, i padënuar më parë.
Kjo pasi sot rreth orës 23.20 në hyrje të qytetit të Pogradecit në një pikë kontrolli të ngritur nga ana e policisë ky shtetas duke drejtuar automjetin tip Ford Fokus me targa AA 825 NA ka tentuar të korruptojë punonjësit e policisë së qarkullimit rrugor duke iu dhënë një kartmonedhe 2.000 lekëshe.
Materialet në ngarkim të shtetasit Kasem Çoçi do t’i kalojnë Prokurorisë së rrethit Gjyqësor Pogradec për veprën penale “Korrupsioni aktivi i personave që ushtrojne funksion publik” parashikuar nga neni 244 i K.Penal.
(XH.A/SHUPLAKA)
Discussion about this post