Tentoi të korruptojë gjykatësen, arrestohet në Tiranë avokati Gjin Marku

Avokati mbrojtës Gjin Marku, i shpallur në kërkim, është vënë në prangat e policisë pas tentativës për të korruptuar një gjykatës.

Ndaj 51-vjeçarit Marku, banues në Fushë-Mamurras, ishte dhënë masa e sigurisë “arrest në burg”.

Mbi Markun  rëndon vepra penale “Ushtrim i ndikimit të paligjshëm ndaj personave që ushtrojnë funksione publike”.

“Më datë 31.01.2017, u arrestua shtetasi në kërkim Behar Kola, 50 vjeç, banues në Tiranë, për veprat penale “Korrupsionit aktiv i Gjyqtarit, Prokurorit, dhe i funksionarëve të tjerë të drejtësisë” dhe “Korrupsionit pasiv i Gjyqtarit, Prokurorit, dhe i funksionarëve të tjerë të drejtësisë”. Parashikuar nga Nenet 319 dhe 319/ç, të Kodit Penal.”, citohet në njoftimin për shtyp të policisë.

Ai akuzohet se korruptoi gjyqtaren Pajtime Fetahu në Elbasan duke i dhënë 2 mijë Euro me qëllim lirimin e klientit të tij, mbi të cilin rëndojnë tri vepra penale.

Pas marrjes së ryshfetit, gjyqtarja pranon në videon e publikuar në emision investigativ “Stop” se do të nxjerrë të akuzuarin Kristian Leka nga burgu me minimumin e dënimit. Nga ana tjetër, prokurorja ka kërkuar 1500 euro për të mos apeluar çështjen. (XH.A/SHUPLAKA)