Tentoi të korruptonte policin duke i dhënë lekë, arrestohet 52 vjeçari në Pogradec

Në prangat e policisë së Pogradecit ka rënë një 52-vjeçar pasi një ditë më parë në aksin rrugor Pogradec-Qafë Thanë, i ka ofruar njërit prej policëve një kartëmonedhë 2000 lekë, me qëllim që të shmangej kontrolli në mjet, pasi tek ky i fundit, ishin ngarkuar një sasi gomash pa dokumentacionin përkatës.

DETAJE:

Specialistët e Seksionit Krimin Ekonomik-Financiar në Drejtorinë Vendore të Policisë Korçë, bënë kapjen dhe arrestimin në flagrancë të shtetasit : Gëzim Datelli, 52 vjeç, banues në Tiranë. Më datë 15.09.2017, në aksin rrugor Pogradec-Qafë Thanë, ky shtetas udhëtonte me mjetin AA038CH, me drejtues shtetasin A.B. Në momentin kur mjeti është ndaluar nga punonjësit e policisë rrugore, shtetasi Gëzim Datelli, i ka ofruar njërit prej tyre një kartëmonedhë 2000 lekë, me qëllim që të shmangej kontrolli në mjet, pasi tek ky i fundit, ishin ngarkuar një sasi gomash pa dokumentacionin përkatës. Materialet i kaluan Prokurorisë të Rrethit Gjyqësor Pogradec, për veprën penale “Korrupsion aktiv i personave që ushtrojnë funksione publike” parashikuar nga neni 244 i Kodit Penal. (J.V/Shuplaka)