Tentoi të përdhunonte 14-vjeçaren duke hyrë me forcë në banesë, arrestohet i riu në Vlorë

Një 17 vjeçar është vënë nën prangat e policisë së Vlorës. Kjo për shkak se F.Ç kishte tentuar që të përdhunonte një 14 vjeçare me inicialet E.R.

Ka qenë kallëzimi i saj në polici një ditë më parë ajo që ka bërë që policia të arrestojë të riun. Mbi këtë shtetas rëndon akuza për marrëdhënie me të mitur.

Mësohet se djali ka shkuar në shtëpinë e vajzës së mitur dhe ka tentuar që të hyjë me forcë në banesë. 

Njoftimi i plotë i Policisë: 

Policia arreston në flagrancë për veprën penale ”Marrëdhënie seksuale ose homoseksuale me të mitur, mbetur në tentativë”, shtetasin:

– F. Ç., 17 vjeç, banues në Vlorë.

Më datë 09.07.2017, Seksioni për Hetimin e Krimeve pranë Komisariatit të Policisë Vlorë, kanë bërë të mundur kapjen dhe arrestimin e këtij shtetasi, për arsye se ndaj tij, ditën e djeshme ka bërë kallëzim shtetësja E.R., 14 vjeçe, banuese në Vlorë, e cila ka deklaruar se:

Më datë 09.07.2017, rreth orës 06:30, shtetasi F.Ç., ka shkuar në banesën e saj dhe ka tentuar të kryejë marrëdhënie seksuale me të (me forcë).

Policia po punon për zbardhjen e plotë të ngjarjes.

Materialet u referuan në Prokurori për veprën penale ”Marrëdhënie seksuale ose homoseksuale me të mitur, mbetur në tentativë”, parashikuar nga nenet 100 dhe 22 të Kodit Penal. 

(E.K/SHUPLAKA)