Policia gjermane ka arritur të ndalë në kohë një masakër të mundshme në një treg krishtlindjesh në Ludëigshafen, Gjermani. 12-vjeçari i lindur në Gjermani por me origjinë irakiane, u përpoq të hidhte në erë një bombë në mes të një tregu krishtlindjesh.
Revista gjermane “Focus” bën me dije dyshimet se djali i datëlindjes 2004, është radikalizuar me forcë dhe mundet që të jetë udhëzuar nga një i panjohur ende për autoritetet e sigurisë.
Media gjermane bën me dije se ngjarja ka ndodhur më 26 nëntor dhe i mituri që mbante çantën ku kishte fshehur bombën, kishte ngjallur dyshimet tek një vizitor, i cili njoftoi menjëherë policinë.
Mësohet se policia ka identifikuar dhe arrestuar 12-vjeçarin që vijon të ndodhet në qendrën e paraburgimit të të rinjve.
