Tentoi të vrasë 20-vjeçarin me thikë, ndalohet autori në Durrës

Është ndaluar ditën e sotme, shtetasi G.Gj. 18 vjeç, autori cili tentoi të vrasë me thikë një 20-vjeçar, dy ditë më parë në Durrës.

Kujtojmë se në datën 23, rreth orës 14.00, në lagjen Nr.18 Durrës, ai ka plagosur për motive të dobëta shtetasin E. M. 20 vjeç, gjithashtu banues në Durrës.

Specialistët për Krimet e Rënda në Drejtorinë Vendore të Policisë Durrës pas hetimeve dhe kërkimeve të vazhdueshme kanë bërë të mundur ndalimin e shetasit, që tentoi të vrasë me thikë.

Mësohet se materialet i kanë kaluar Prokurorisë së Rrethit Gjyqësor Durrës për veprime të mëtejshme për veprat penale” Vrasja me dashje” e mbetur në tentativë dhe “Prodhimi, mbajtja, blerja apo shitja pa leje e armëve të ftohta”parashikuar në nenet 76, 22 dhe 279 të Kodit Penal.  (E.V/Faxweb.al)