Nënat janë të afta të sakrifikojnë edhe jetën për fëmijët e tyre. Këtë e ka treguar dhe një grua në qytetin e Fierit e cila ka përfunduar e arrestuar nga ana e policisë, pasi tentoi që t’i çonte celularë djalit që kishte në burg.
Sipas të dhënave të para të policisë mësohet se në pranga u vu shtetasja Olimbi H, 51-vjece, banuese në Fier, ndërsa ka qenë kontrolli që e ka nxjerrë zbuluar dhe më pas u arrestua.
Njoftimi i policisë:
Specialistët për Hetimin e Krimeve në Komisariatin e Policisë Fier, arrestuan në flagrancë shtetasen:
-Olimbi H., 51 vjeçe, banuese në Fier.
Arrestimi i saj u bë pasi ka tentuar të fut në IEVP Fier, bashkë me ushqimet dhe 4 aparate celularë djalit të saj të burgosur.
Materialet i kaluan Prokurorisë pranë Gjykatës së Shkallës së Parë Fier për veprën penale “Futja ose mbajta e sendeve të ndaluara në institucionet e ekzekutimit të vendimit me burgim” e mbetur në tentativë, parashikuar nga Neni 324/a/1 dhe 22 i Kodit Penal.
(E.K/Faxweb)
Discussion about this post