Guardia di Finanza Italiane ka vënë në pranga një shtetas shqiptar dhe një tjetër Italian të akuzuar për trafikim të lëndëve narkotike.
Në makinën e që drejtohej nga shqiptari inicialet e të cilit janë T. P 31 – vjeç, është gjetur një sasi prej 23 kg marijuanë ndërsa pas një kontrolli të imtësishëm në banesën e tyre në pronësi të shtetasit Italian, është gjetur një sasi tjetër prej 119 kg marijuanë.
Sipas autoriteteve droga e sekuestruar do të sillte një përfitim me mbi 1 milion euro.
Ky operacion i Policisë Italiane ka nisur pasi ajo ka identifikuar gjatë daljes nga një fermë, një automjet me rimorkio e cila drejtohej nga shqiptari. Ky i fundit sapo ka nuhatur patrullën e policisë ka tentuar të largohet me shpejtësi duke përdorur një rrugë dytësore.
Gjatë përndjekjes nga policia, makina që ai drejtonte është përplasur me murin e një ndërtese.
31 – vjeçari është ndaluar në zonën e Piano Tavolo në Komunën e Belpasso të Katanjias dhe në automjet i është gjetur edhe sasia prej 23 kg murijuanë.
Gjatë kontrollit të ushtruar në banesën e tyre, përveç sasisë prej 119 kg marjuanë, janë sekuestruar nga policia edhe një peshore, një makineri për mbështjelljen hermetike të lëndës narkotike, një armë dhe një palë dylbi.
Në fermë është arrestuar në flagarancë edhe pronari italian i fermës shtetasi me incialet S.A.R i moshës 53 – vjeç.
Me urdhër të Prokurorisë së Katanis, dy personat e ndaluar janë vënë në pranga dhe janë dërguar në burgun e Katanias në dispozicion të autoriteteve gjyqësore.
Discussion about this post