Tentoi vetëvrasjen pas vdekjes së 16-vjeçares, Tefik Zhurda niset drejt Perugias në gjendje të rëndë

Mjeku anestezist Tefik Zhurda është nisur drejt Perugias për marrjen e ndihmës mjekësore të specializuar. Mësohet se ai vazhdon ende të jetë në gjendje të rëndë shëndetësore dhe në rrezik për jetën.

Zhurda pas vdekjes së 16-vjeçares Blerta Pepa, mori një dozë të madhe anestezie, duke tentuar vetëvrasjen nën gjendjen e rënduar psikologjike. 

Dy ditë pas vdekjes së vajzës dhe tentativës së vetëvrasjes së Zhurdës, policia nisi procedimin penal ndaj tij dhe dy mjekëve të tjerë të pranishëm në sallën e operacionit. 

Ngjarja e rëndë u shënua një javë më parë në spitalin privat “Continental” ku adoleshentja ishte paraqitur për të kryer një ndërhyrje në gju si pasojë e një dëmtimi. 

(XH.A/SHUPLAKA)