Publikohet videoja që nxjerr zbuluar dy të rinj që tentojnë të vrasin një të tretë. Ngjarja ka ndodhur në korrik të vitit 2015, ku dy persona kanë tentuar të kryejnë një vrasje në Fushë-Arrëz të Pukës.
Në videon e publikuar nga “JOQ” shikohet se si prapa një djali me makinë tip Audi, vjen një makinë tip Mercedes-Benz. Nga makina e dytë dalin dy të rinj me armë, ku njëri prej të cilëve duket se si e mbush pistoletën dhe qëllon dy herë ndaj djalit. Ky i fundit arrin të shpëtojë, i jep gaz makinës dhe largohet.
Ndërkohë, dy personat që tentuan të kryejnë vrasjen, përvesce nuk e realizuan dot kishin harruar të vendosin frenat e dorës te makina e tyre. Kështu, si objektivi i atentatit lagohet njëkohësisht edhe makina e tyre. Mercedezi bie në një humnerë prej gati 50 metrash duke u bërë copë e çikë.
Pamjet tragjike dhe komike po ashtu, tregojnë dy atentatorët duke vrapuar me armë në dorë pas makinës që po bie në humnerë.
Djali i cili ishte objektivi i kësaj tentative vrasjeje, informon se as policia e Pukës dhe as gjykata nuk kanë marrë mundimin të merren me këtë çështje. Ai nuk dëshiron të identifikohet, megjithatë nuk lë pa akuzuar edhe shefin e komisariatit të Pukës. Sipas tij, ky i fundit ka lidhje familjare me dy autorët e ngjarjes dhe për këtë arsye nuk merr masa për arrestimin e tyre.
