Një 52-vjeçare po gjykohet për akuzën e “mashtrimit” në Gjykatën e Durrësit, në lidhje me një histori Të veçantë.
Ndaj Shegush Ballhysës ka nisur një poçedim penal pas një kallëzimi të prindërve të ish-bashkëshortit të saj, me të cilin është divorcuar në vitin 2003. Ish-bashkëshorti is aj ka vdekur në një aksident në punë në Francë, pesë vite më parë. Prindërit e Artan Lipos, e akuzojnë ish-gruan e djalit të tyre se ka falsifikuar dokumente gjatë përpjekjeve për t’u rimartuar me djalin e vdekur.
“Strumbullari” i përplasjes mes tyre është bërë një shumë parash e konsiderueshme që përfitojnë trashëgimtarët e të ndjerit, si siguracion i jetës së tij dhe detyrimet që rrjedhin nga aksidentimi në punë, shkruan një portal online.
Ngjarja:
Ndonëse disa vite pas divorcit, Ballhysa është angazhuar në rrugë gjyqësore që të bëhej pjesë e kësaj trashëgimie. Për këtë shkak, ajo i është drejtuar Gjykatës së Durrësit me një kërkesë për “rivendosje në afat të së drejtës për të ankimuar vendimin e divorcit”, me argumentin se ajo nuk ishte në dijeni të gjyqit për divorcin.
Kjo kërkesë u pranua dhe pas ankimit të saj, në qershor 2009, Apeli i Durrësit ka vendosur të prishë vendimin e divorcit të saj dhe pushimin e çështjes, me argumentimin se një çështje për zgjidhje martese nuk mund të vazhdojë kur njëri prej bashkëshortëve ka vdekur. Referuar këtij vendimi, Zyra e Gjendjes Civile, Bashkia Durrës, ka kthyer në gjendjen e mëparshme gjendjen e bashkëshortëve Artan Lipo dhe Shegush Ballhysa, ku statusi i kësaj të fundit ka ndryshuar nga “e divorcuar” në “e ve”.
Pasi është rikthyer në trungun familjar, Ballhysa ka paditur vjehrrin dhe vjehrrën me pretendimin se ata e kishin përjashtuar nga përfitimi i trashëgimisë. Pasi ka fituar në Shkallën e Parë dhe Apelin e Durrësit, në janar 2016, Gjykata e Lartë e ka kthyer dosjen për rigjykim në Shkallën e Parë.
Paralelisht, në procesin penal të drejtuar nga gjyqtarja Eda Kaja, përmes mbrojtësit të saj Ballhysa ka kërkuar deklarim të pavlefshëm të akteve të dosjes, me pretendimin se janë shkelur afatet e hetimit. Nga ana tjetër, prokurorja ka pretenduar se hetimi është bërë brenda afateve të përcaktuara në ligj. (J.V/Shuplaka)
Discussion about this post