Një incident është shënuar në Frosione të Italisë, ku është përfshirë edhe një 29-vjeçar shqiptar i cili ka tentuar të shtypë me makinë një tregtar sirian.
Ngjarja ka ndodhur dy ditë më parë rreth orës 17:30, shqiptari teksa drejtonte mjetin e tij ka përplasur si fillim 42-vjeçarin gjatë kohës që ky i fundit po hidhte disa çanta në makinën e tij.
Mediat italiane shkruajnë se pas survejimit të kamerave u vu re se veprimi i shqiptarit ka qenë i qëllimshëm, pasi ai bëri sërish indietro makinën për ta goditur sirianin.
Ndërkohë ka qenë tregtari ai që shmangu tragjedinë pasi u hodh në anën tjetër, duke marrë disa lëndime në trup. Mirëpo për fat të mira nuk kanë qenë aq të rënda sa t’i rrezikonin jetën.
Policia ka nisur hetimet ndërkohë që shqiptari ndodhet në burg dhe do përballet me akuzën për tentativë vrasjeje. (D.D/Shuplaka)
Discussion about this post