Tenton të vrasë të dashurën në prani të dy të miturve, arrestohet 33-vjeçari në Vlorë

Policia e Vlorës ka ndërrhyrë në një familje ku ka mundur të parandalojë një vrasje. Konflikti në familje ka nisur për motive të dobta.

 Në flagrancë nga policia është arrestuar Qeriman Maraj, 33 vjeç. Marraj ka tentuar të vrasë 29-vjeçaren me iniciale Sh.Sh, me të cilën bashkëjetonte. Ngjarja ka ndodhur në prani të dy fëmijëve të mitur. 

Detaje:

Mëngjesin e sotëm, në lagjen “Pavarësia”, Maraj, ka tentuar të vrasë me armë zjarri tip pistoletë, bashkëjetuesen e tij, shtetasen Sh.Sh., 29 vjeçe, në banesën e saj.

Nga hetimet e kryera ka rezultuar se konflikti ka nisur për motive të dobëta brenda në banesë, në prezencë të dy fëmijëve të mitur.

Policia e Vlorës pas sinjalizimit për një konflikt në familje bëri të mundur neutralizimin e personit si dhe bllokimin në cilësinë e provës materiale të armës së zjarrit bashkë me 1 krëhër dhe 15 copë fishekë të kalibrit 9 mm. (J.V/Shuplaka)