Tentuan të blejnë votën, policia e Elbasanit dhe e Gjirokastrës arreston tre persona

Vazhdon parandalimim i personave të cilët duan të ndërhyjnë në procesin e zgjedhjeve.

Policia e Elbasanit njofon se është ndaluar një person me inicialet Xh.B për veprën penale “Korrupsioni aktiv në zgjedhje”.

Ndërkohë dhe policia e Gjirokastrës ka goditur dy raste,  ku ka ndaluar shtetasin me inicialet D.A., 57 vjeç, banues në Gjirokastër, është ndaluar për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.

Ndërsa dhe eshte ndaluar dhe shtetasi me i iniciale F.K., 30 vjeç, banues në Gjirokastër, është ndaluar  për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.

Njofimi policisë Elbasan

Drejtoria Vendore e Policisë Elbasan Seksioni kundër krimit ekonomik e financiar
U referuan materialet në Prokurorinë e Rrethit Gjyqësor Elbasan, për shtetasin me iniciale Xh.B, për veprën penale “Korrupsioni aktiv në zgjedhje”. Nuk jepen të dhëna të tjera, pasi procedimi ndiqet me metoda speciale të hetimit.

Njofimi policisë Gjirokastër
Drejtoria Vendore e Policisë Gjirokastër Seksioni kundër korrupsionit
U referuan materialet në Prokurorinë e Rrethit Gjyqësor Gjirokastër, për shtetasin me iniciale D.A., 57 vjeç, banues në Gjirokastër, për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.  U referuan materialet në Prokurorinë e Rrethit Gjyqësor Gjirokastër, për shtetasin me iniciale F.K., 30 vjeç, banues në Gjirokastër, për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.

(S.SH/Shuplaka)