Në pikën kufitare të Qafë-Thanës dy të rinj kanë tentuar të kalojnë kufirin me 6 pako me drogë. Ata pasi janë pikasur nga policia janë larguar me shpejtësi nga pika doganore në prangat e policisë ka rënë një 20-vjeçar si edhe është shpallur në kërkim një 22 -vjeçar.
DETAJE:
Më datë 18.12.2017, specialistët e Seksionit për Narkotikët në Drejtorinë Vendore të Policisë Korçë bënë kapjen dhe arrestimin në flagrancë të shtetasit :
- M, 20 vjeç, banues në Tiranë
Si edhe u bë shpallja në kërkim e shtetasit D.U, 22 vjeç, banues në Shkup-Maqedoni.
Shtetasit e lartpërmendur janë paraqitur në dalje të Republikës së Shqipërisë, në Pikën e Kalimit Kufitar Qafë-Thanë, me mjetin tip “Ford”, me drejtues shtetasin G. M.
Nisur nga dyshimet e shfaqura se në këtë mjet mund të ishte fshehur lëndë narkotike shërbimet e Policisë Kufitare, kanë bërë përzgjedhjen e tij, për kontroll më të detajuar në vijën e dytë.
Në këtë moment drejtuesi G. M, është larguar me shpejtësi me mjetin të cilin ky shtetas e kishte marrë në përdorim, duke kundërshtuar dhe mos iu bindur urdhërit të punonjësve të Policisë.
Forcat policore janë angazhuar dhe janë vënë në ndjekje të tij. Përgjatë aksit rrugor Qafë Thanë-Prenjas-Urakë, ku mendohej se këta shtetas mund të kishin lëvizur u gjet edhe mjeti i braktisur prej tyre.
Gjithashtu gjatë kontrolleve të shumta që Policia ushtroi, në pjesë të ndryshme të këtij aksi, u gjetën e bllokuan në cilësinë e provës materiale :
6 pako me lëndë të dyshuar narkotike Cannabis Sativa me peshë 6,3 Kg sasi e cila dyshohet të ketë qenë në posedimin e dy shtetasve të mësipërm.
Materialet i kaluan Prokurorisë për Krimet e Rënda në Tiranë për veprat penale “Kundërshtimi i punonjësit të policisë së rendit publik” dhe “Trafikimi i narkotikëve, kryer në bashkëpunim” parashikuar nga nenet 236 e 283/a/2 të Kodit Penal. (J.V/Faxweb)
