Dy persona janë vënë në prangat e Policisë së Durrësit, pasi tentuan të korruptojnë punonjësin e Policisë Kufitare me me 20 € dhe 50 € të futur brenda pasaportave.
Ndalimi i tyre u krye në Terminalin e Pasagjerëve në Portin Detar Durrës, pasi tentuan t’i shpëtojnë kontrollit kufitar.
U vunë në pranga shtetasit: Vangjel Bardhi 21 vjeç, banues në Tiranë dhe Tofik Shehu 25 vjeç, banues në Peshkopi
Detaje të Policisë së Durrësit:
Durrës, më 26.01.2017.
Policia e Kufirit në Durrës godet dy raste mitdhënie.
Tentojnë të korruptojnë punonjësit e Policisë Kufitare duke I futur në brendësi të pashaportave 20 € dhe 50 €.
Ndalohen dy shtetas.
Specialistët për Hetimin e Krimeve në Drejtorinë Rajonale për Kufirin dhe Migracionin Durrës, mbrëmjen e djeshme kanë goditur 2 raste mitdhënie.
Janë ndaluar shtetasit:
- Vangjel Bardhi 21 vjeç, banues në Tiranë;
- Tofik Shehu 25 vjeç, banues në Peshkopi.
Bardhi, më datë 25.01.2017, rreth orës 20:30, në Terminalin e Pasagjerëve në Portin Detar Durrës, ka tentuar të korruptojë punonjësin e policisë duke I futur në brendësi të pashaportës 50 €, me qëllim për të kaluar kufirin, pasi kishte kaluar ditët e qëndrimit në zonën Schengen.
Shehu, më datë 25.01.2017, rreth orës 21:00, në Terminalin e Pasagjerëve në Portin Detar Durrës ka tentuar të korruptojë punonjësin e Policisë Kufitare duke I futur në brendësi të pashaportës 20 €, me qëllim për të kaluar kufirin pasi ishte deportiv në zonën Schengen.
Materialet i kaluan Prokurorisë së Rrethit Gjyqësor Durrës, për veprime të mëtejshme për veprën penale “Korrupsioni aktiv i personave që ushtrojnë funksione publike”, parashikuar në nenin 244 të Kodit Penal.
(XH.A/SHUPLAKA)
