Deputeti i Partisë Demokratike, Gent Strazimiri, ka reaguar pas seancës së djeshme gjyqësore ndaj 18-vjeçarit Daniel Drobaj, gjatë së cilës ky i fundit tregoi dorën e fashuar. Ai tha se kanë tentuar që t’i thyejnë gishtat në shenjë hakmarrjeje për efektiven e policisë Ina Nuka.
Me anë të një postimi në rrjetet sociale, Strazimiri shkruan: “Çfarë “Nderi” ka në “Detyrën” për të torturuar një adoleshent derisa t’i thyhen gishtat e dorës me THEMBRËN E ÇIZMES? Çfarë “shërbimi” i bëhet Atdheut me këtë rast?!”
Në vijim ai duke iu referuar fjalës së mnistrit të Brendshëm para policisë, shkruan: “Një fjalim militarist për një organizatë si Policia që vetëm militare nuk mund e nuk duhet te jetë!!!
Policia e Shtetit si pjesë e Forcave të Armatosura është vetëm nën regjimet diktatoriale si ai i Enver Hoxhës!”
(B.B/ Faxweb.al)
Discussion about this post