Kryeministri Edi Rama, në bashkëbisedimin e tij virtual me komentuesit në rrjetet sociale, u ndal tek ndarja nga jeta e Kryepeshkopit Anastas.
Ai u shpreh se pretendimet për “pushtim” të kishës shqiptare, nuk kanë vend që kur Fortlumturia e tij Anastas la amanet që pasardhësi i tij do të ishte shqiptar.“Kryepeshkopi Anastas ka mbyllur të gjithë gojët dhe nuk ka lënë asnjë shteg për rolin dhe figurën, bilancin historik të qëndrimit të tij në krye të Kishës. Kur tha pasardhësi im do të jetë një shqiptar dhe që nuk kemi shkuar në Shqipëri për të ndërtuar një kishë Autoqefale, jo një koloni, ka treguar shumë.
Në momentin e ardhjes së tij ishte e pashmangshme vendosja e një Kryepeshkopi jo shqiptar, pasi nuk kishim mundësi pas një ndërprerje të gjatë që të kishim një Kryepeshkop shqiptar.
Teoritë e konspiracionit janë pa vend në këtë shekull”, tha ai.
