Një konflikt për motive të dobëta ka ndodhur mes tre shtetasve në mal. Siç raporton policia, 26 vjeçari I identifikuar si Bledar Salaj, ka plagosur dy persona me mjete prerëse.
Mësohet se autori i plagosjes ka rënë në prangat e policisë, ndërsa të plagosurit, të cilët rezultojnë babë e bir, janë transportuar në spital. Ata janë jashtë rrezikut për jetën.
Njoftimi i policisë
Plagos me mjet prerës në mal babë e bir për motive të dobëta, kapet dhe arrestohet në kohë rekord nga policia. Ndërhyrja në kohë e policisë me arrestimin e autorit, parandalon përshkallëzimin e mëtejshëm të konfliktit mes të afërmve të palëve Nga Specialistët për Hetimin e Krimit në Stacionin e Policisë Memaliaj, u bë arrestimi i shtetasit:
Bledar Salaj, 26 vjeç, banues në Drizdar – Mallakastër. Ky shtetas dyshohet se rreth orës 16: 30, në kullotat e fshatit ” Buzkalemaj” , pas një konflikti për motive të dobëta, ka goditur me mjet prerës shtetasit A.M 50 vjeç dhe K.M, 20 vjeç,(babë e bir), banues në Memaliaj, të cilët janë transportuar në spital ku ndodhen jashtë rrezikut për jetën. Menjëherë porsa ka marrë informacionin, nga forcat policore është organizuar puna operacionale dhe në kohë rekord është kapur në pyllin e fshatit ” Buzkalemaj” autori i ngjarjes.
(J.D/Faxweb)
Discussion about this post