Një 33-vjeçar shqiptar është arrestuar në Bolonja të Italisë për dhunë fizike të ushtruar ndaj disa personave.
Mbrëmjen e djeshme, karabinierët morën një telefonatë që lajmëronte se ishin dhunuar mjeku i turnit dhe një infermiere në Spitalin e Budrios në komunën Molinella.
Pasi forcat policore mbërritën në vendngjarje, 33-vjeçari shqiptar sulmoi edhe njërin prej policëve, por më pas u arrestua.
Mediat italiane raportojnë se shqiptari pasi kishte masakruar keq gruan e tij, italiane 23-vjeçare, në banesën e tyre, e kishte dërguar në urgjencë. Atje kishte filluar të godiste mjekun dhe infermieren për arsye që ende nuk janë bërë të ditura.
Italiania për shkak të plagëve të rënda të shkaktuara nga shqiptari u dërgua në spitalin kryesor të Bolonjës ku do t’i duhet të qëndrojë për 30 ditë.
Sipas policisë, në momentin e aktit të dhunshëm, 33-vjeçari, identiteti i të cilit nuk dihet ende, ka qenë në gjendje të dehur. (A.R/SHUPLAKA)
