Komisioni Qendror i Zgjedhjeve me në krye Denar Bibën është mbledhur paraditen e sotme për të diskutuar mbi situatën pas vendimit për tërheqjen e kandidatëve në Kavajë dhe miratimin e listave të partive.
Përpara një situatë ku KQZ gjendet në vështirësi për shkak të zhvillimeve më të fundit që përfshinë Kavajën, kryetari Denar Biba bëri me dije se duhet të informohet Presidenti i Republikës së Shqipërisë, Bujar Nishani.
“Duhet të informojmnë Presidentin për atë që ndodhi.”, u shpreh Biba.
Vështirësia paraqitet për shkak se nuk ka mekanizma ligjorë për të vendosur mbi këtë situatë, ndërkkohë që janë printuar rreth 63 mijë fletë votimi. Lidhur me këtë situatë, përfaqësuesi i PD-së në KQZ kërkoi verifikim të listave:
“Mesa kuptoj ju nuk keni pasur kohë fizike për të parë këto lista. Volumi i listave të paraqitura është shumë i madh. Meqë ju nuk keni mekanizëm ligjor t’i cregjistroni këto lista minimumi është verifikimi i tyre.”, është shprehur ndër të tjera Ivi Kaso.
(XH.A/SHUPLAKA)
Discussion about this post