Ish-kryetari i KQZ-së Çlirim Gjata në një lidhje telefonike në Report Tv, komentoi njoftimin e fundëm të kryeministrit Rama, i cili u bëri thirrje dy kandidatëve në Kavajë që të tërhiqen nga gara për zgjedhjet e pjesshme.
Gjata është shprehur se nuk ka një specifike të veçantë në kodin e KQZ që parashikon shtyrjen e zgjedhjeve në një rast të tillë por se nëse kandidati i pavarur që mësohet të jetë Astrit Haka nuk tërhiqet ai mund të shpalet kryetari i Bashkisë Kavajë.
“Nuk është se parashikon diçka të veçantë, dhe në mënyrë specifike se çfarë bëhet, por fakti që u tërhoq PS dhe i kërkoi kandidatit të tërhiqet, mbi këtë që nuk mund të ketë zgjedhje në Bashkinë e Kavajës. Nuk është se ka një afat ligjor të dorëheqjes. Është qëndrim politik përballë një krize. Nuk ka të bëjë me zgjidhje ligjore, problemi është politik dhe të ketë zgjidhje politike. Politikisht s mund të ketë zgjedhje vetëm po të ketë një kandidat që thotë nuk i bindem partisë. Pra nuk ka një specifike të veçantë. Pra përderisa nuk merr pjesë dhe pala tjetër nuk ka zgjidhje. Nëse kandidati tjetër nuk tërhiqet ai mund të zgjidhet kryetar i Bashkisë Kavajë”, u shpreh Gjata.
Rama u shpreh se po tërhiqej nga Kavaja pasi sipas tij kishte informacione se vendi do të destabilizohej dhe se kjo mbështetej nga çadra e opozitës.
(M.D/Shuplaka)
Discussion about this post