Përfaqësues nga ambasada Turke në Tiranë, Avokati i pronarit të Jahtit si dhe oficeri i policisë gjyqësore Lezhë, zbritën në Portin e Shëngjinit rreth drekës për tërheqjen e Jahtit që dodhet prej muajsh aty. Pas ka orësh që nga mbërritja e tyre, ata kane arritur ta marrin Jahtin.
Sipas kapitenit Edmond Marku i cili gjeti Jahtin në Det të hapur, nuk është pyetur as nga autoritet lokale dhe as nga ambasada Turke. Marku kërkon shpenzimet për transferimin e Jahti deri në Port. Sipas kapitenit Marku, nuk ka pasur një urdhër nga ana e Prokurorisë për tërheqjen e Jahti.
“Nuk kanë paraqitur një urdhër nga Prokuroria, thjesht kanë thënë se e kemi një urdhër”, tha Marku, transmeton Faxweb.al
Ndërkohë avokati i pronarit të Jahti është shprehur se do të ketë një deklaratë për mediat në ditët në vijim.
Nderkohë më herët ambasada Turke në Tiranë ka bërë tre nota verbale për tërheqjen e Jahtit nga Porti i Shëngjinit
Kujtojmë se Jahti është gjetur i braktisur në Det më datë 06 shtator, rreth orës 21:00 , rreth 12 milje larg bregdetit të Shëngjinit në detin Adriatik.
Mbetet mister fati i kapitetin të anijes që u gjend i braktisur në Shëngjin disa ditë më parë.
Jahti me emrin “Atik Bey” u gjet i braktisur disa ditë më parë në ujërat ndërkombëtar në Detin Adriatik, 12 milje larg bregdetit të Shëngjinit, ndërsa gjatë kontrollit policor u gjetën dokumentet e kapitenit 31-vjeçar Sezgin Yavuz.
Për mediet turke gruaja e shqetësuar e kapitenit Sevgin Yavuz, Vesile Yavuz ka thënë se kërkon ndihmën e shtetit për gjetjen e burrit të saj.
(F.GJ/FAXWEB.AL)
