Një tërmet me magnitudë 4.3 ballë është regjistruar në jug të vendit mesditën e sotme. Sipas Qendrës Sizmiologjike Europiane, epiqendra e tërmetit ka qenë 17 kilometra në jugperëndim të Gjirokastrës, me një thellësi vetëm 2 kilometra. Nuk ka të dhënë për dëme materiale apo persona të lënduar.
Sipas raportimeve të ardhura nga qytetarët në redaksinë e ‘’Shuplakës’’, tërmeti ka qenë i fuqishëm dhe lëkundjet e tij janë ndjerë rreth orës 11 e 40 të paradites.
Kjo ka bërë që ata të dalin nga shtëpitë e tyre të alarmuar. Sipas dëshmive të tyre të gjitha orenditë shtëpiake janë lëkundur.
Discussion about this post