Një tërmet me magnitudë 3.7 ballë është regjistruar pak pas mesnatës, konkretisht në orën 00:13. Instituti i Gjeoshkencave ka bërë me dije se epiqendra e tërmetit ka qenë në Hekal, rreth 5 kilometra në jug të Ballshit.
Referuar burimeve për “Klan TV”, lëkundjet janë shkaktuar si pasojë e shpimeve për naftë nga kompanitë aktive në këtë zonë. Fatmirësisht tërmeti nuk ka shkaktuar të lënduar apo dëme materiale, por banorët e zonës janë frikësuar nga lëkundjet. (XH.A/SHUPLAKA)
