Ndihen sërish lëkundje tërmeti në vend, ja ku ishte epiqendra

Një tërmet me magnitudë 3.5 ballë është ndjerë ditën e sotme në vendin tonë.

Sipas EMSC-së epiqendra e tërmetit ka qenë në detin Adriatik, ndërkohë që nuk raportohet për dëme materiale.

Kujtojmë së një ditë më parë në vendin tonë u ndjenë një sërë tërmetesh, ku tërmeti më i fuqishëm ishte 4 ballë dhe sipas sizmiologëve janë pasgoditje të tërmetit të fuqishëm të 26 nëntorit të vitit 2019.

Ministria e Mbrojtjes njoftoi dje se epiqendra e tërmetit ka qenë në det pranë Gjirit të Lalëzit dhe ka pasur magnitudën 4. Ky tërmet është pasuar nga 42 pasgoditje, më e madhja me magnitudë 3.5.