Disa lëkundje të forta sismike janë shënuar mëngjesin e sotëm rreth orës 06:27 në qytetin e Korçës. Lëkundjet të cilat zgjatën për një sekuencë prej 10 sekondash kanë shkaktuar panik tek banorët, të cilët janë larguar menjëherë duke dalë jashtë prej banesave të tyre.
Sipas IGJEUM, tërmeti ka qenë me një magnitudë 5 ballë dhe një thellësi 4 km, ndërkohë raportime bëjnë me dije se nga tërmeti nuk ka patur të lënduar, ndërsa ende nuk dihet për dëme materiale.
