Ministria e Mbrojtjes ka dhënë detaje të reja në lidhje me dëmet e shkaktuara nga tërmeti i fuqishëm që goditi Shqipërinë. Raportohet se nuk ka dëme në njerëz, por dëme materiale.
Njoftimi zyrtar:
Nga informacionet e grumbulluara nga Qendra Kombëtare Operacionale pranë Shtabit të Përgjithshëm të FA deri në orën 12:30 janë konstatuar :
- Rënia e një catie në një banesë të braktisur, njësia administrative Manzë
- Në Yrshek, Kashar i është çarë muri i një banese
- Në Marqinet, Bashkia Vorë, raportohet dëmtimi i catisë së një banese.
- Në lagjen Dyl Haxhire Myzyri, pallati nr. 8 ka plasaritje të mureve.
- Njësia Cudhi, Bashkia Krujë është plasaritur një banesë.
- Fshati Brret, Bashkia Krujë një banesë e plasaritur.
- Plasaritje e një supermarket në lagjen 17, Bashkia Durrës.
Nga komunikimi me qarqet Fier, Shkodër, Vlorë, Lezhë, Berat, Kukës etj. nuk janë raportuar dëme në objekte dhe lëndime në njerëz.
Sipas informacionit paraprak, gjatë ditës së sotme, në Shqipëri janë regjistruar 6 lëkundje sizmike nga ora 11:08 deri në orën 13:35.
Nga informacionet e deritanishme, nuk rezulton të ketë dëme në njerëz por vetëm dëme materiale. Konkretisht, janë regjistruar deri më tani 40 banesa të plasaritura si pasojë e lekundjeve në qarqet Elbasan, Tiranë dhe Durrës.
Nga komunikimi me qarqet Fier, Shkodër, Vlorë, Lezhë, Berat, Kukës etj. nuk janë raportuar dëme në objekte dhe lëndime në njerëz.
Ky eshte informacioni deri ne oren 14.45 min.
Discussion about this post