Eksperti i ekonomië, Agim Binajtha gjatë një interviste për Fax News me gazetaren Mirilda Tili se dëmet e shkaktuara nga tërmetet në Korçë duhen dëmshpërblyer sipas vlerësimeve përkatëse, dhe shtoi se shpenzimet për këtë rast vijnë nga fondet rezervë të shtetit por edhe nga ndihmat nga jashtë.
Binaj foli edhe për masat që ka ndërmarrë deri më tani qeveria për banorët e prekur, ku artikuloi se ajo çfarë është bërë deri më tani është thjethtë në nivelin e situatës emergjente, ndërkohë shtoi se duhet të filojë menjëherë vlerësimi real i dëmeve.
“Masat që ka ndërmarrë deri më tani qeveria janë veprime të përkohshme dhe emergjente. Tani duhet të fillojë rindërtimi i banesave ose dëmshpërblimi në masën përkatëse të tyre në bazë të një vlerësimi korrekt.
Mbi bazën e dëmëve duhet të bëhet edhe gjykimi, por gjithmonë duke u vlerësuar së pari dhe saktësisht dëmet dhe të shpallet fatura përfundimtare e vlerës që kap ky proces”.
Duke folur rreth idesë së sigurimit të banesave si një mënyrë që pronarët të dëmshpërblehen për gjithçka që ka të bëjë me dëmtimin e tyre nga faktorët natyrorë por jo vetëm, Binaj tha se kjo së pari nuk është shndërruar ende në një kulturë për shoqërinë tonë.
Nga ana tjetër deklaroi se qytetarët nuk kanë mundësi ti sigurojnë pronat e tyre në një kohë kur paga që marrin nuk përballon shpenzimet mujore.
“Fshatari mezi paguan shpenzimet mujore jo më të paguajë siguracionet për banesën, le që kjo duhet pasur parasysh se ne nuk e kemi krijuar një kulturë të tillë. Nga ana tjetër duhet të marrim parasysh gjithashtu edhe të ardhurat, sepse në Shqipëri paga minimale nuk del për të përballuar çmimet e larta të tregut sa ju përket ushqimeve dhe faturave në tërësi. Nuk ka konkurencë të nderhme, mjafton të shohim çmimet e biletave të udhëtimeve ajrore, nuk ka ekuilibër ndaj janë krijuar monopolet dhe në këtë situtë, dikush nuk e ka luksin të paguajë taksa të reja mbi sigurimet.
Unë e kam thënë edhe më herët, shoqëria jonë është në kushtet e mbijetesës ekonomike, sepse momentalisht shumica prej nesh sigurojnë vetëm mos-mungesën e ushqimit. Ne nuk mund të pretendojmë të shkojmë në nivelin e Danimarkës, as në nivelin e Francës apo të Gjermanisë, sepse ne kemi ardhur nga një sistem feudal ku në prag të Luftës së Dyte Botërore 90 % e popullsisë ishte analfabete. Pra ne nuk mund të kërkojmë kaq shumë port ë krahasohemi me veten se ku ishim dhe ku jemi”.
(F.GJ/FAXWEB.AL)
