Pas tërmeteve të njëpas njëshme në juglindje të vendit kryebashkiaku i Bashkisë Korçë Sotiraq Filo ka bërë një përllogaritje paraprake të dëmit të shkaktuar në shtqëpitë e dëmtuara.
Sipas Filo komisioni i studimit në terren ka verifikuar dëmet dhe paraprakisht mendohet se dëmi mund të shkojë deri në 250 milionë lekë të reja.
Këtu përfshihet rindërtimi i banesave dhe rikonstruksioni i tyre. Ndërkaq po punohet për studimin e vendit ku do të ndërtohen banesat pasi aktualist zona e Floqit është një zonë sizmike.
“Grupet e eksperteve kanë filluar prej 2-3 ditësh vlerësimin e dëmeve të shkaktuar për bashkinë e Korcës, ka patur një përllogaritje fillestare të faturës të rikonstruksionit të shtëpive. Kemi bëre një vlerësim paraprak dhe kemi llogaritur një vlere të ndërtimit të rreth 60 shtëpive te cilat duhen ndërtuar nga e para, 90 banesa të cilave u duhet një rikonstruksion,që varion nga rikonstruksioni më i plote deri tek rikonstruksion i pjesshëm.
Vlera paraprake i përllogaritur nga komisioni i eksperteve varion nga 200 deri në 250 milion leke të reja për demet e shkaktuara në bashkinë e Korçës ku përfshihet kryesisht në fshatin e Floqit, por edhe në fshatra të tjerë të Bashkisë Korçë”-tha Filo.
