Tërmeti 4.4 ballë në Bulqizë, banorët dalin në rrugë, ndërpritet mësimi

Për pak sekonda, lëkundje tërmeti janë ndier pak minuta më parë në Tiranë.

Mësohet se epiqendra e tërmetit ka qenë në Bulqizë, rreth 4.4 ballë të shkallës Rihter, me thellësi 2 km. Ai është regjistruar 9 kilometra nga Bulqiza dhe 24 kilometra nga Peshkopia. Të frikësuar, mësuesit dhe nxënësit kanë dalë jashtë ambienteve të shkollave, ndërsa banorët kanë dalë jashtë shtëpive të tyre.

Flitet se lëkundjet e tërmetit janë regjistruar në disa qytete të Shqipërisë, ku përveç Tiranës, Bulqizës dhe Peshkopisë edhe në Elbasan e Durrës.

(XH.A/SHUPLAKA)