Tërmeti 6.8 ballësh në Filipine/ Të paktën 3 viktima mes tyre një 6-vjeçare, dhjetra të tjerë nën rrënoja

Një tërmet i fuqishëm ka goditur së fundi Filipinet dhe mediat vendase flasin për të paktën 3 viktima përfshirë edhe një vajzë 6-vjeçare deri më tani.

Disa persona të tjerë kanë mbetur të plagosur si pasojë e lëkundjeve të forta sizmike me magnitudë 6.8 ranë në ishullin e Mindanao-s, mëngjesin e kësaj të diele, rreth orës 2:12. Epiqendra ishte rreth 60 km në jug-perëndim të qytetit të Davao-s.

Tërmeti i fuqishëm ndodhi në një thellësi prej 28.2 km, sipas USGS.

Videot e marra gjatë tërmetit u shpërndanë me shpejtësi në mediat sociale, megjithëse Reuters raportoi se nuk kishte raporte fillestare për dëme, dhe aq më pak pasoja në njerëz.

Vincent Fernandez, kryetar i bashkisë të Matanao në Filipinet jugore, i tha një radioje lokale se vajza 6-vjeçare ndërroi jetë pasi një mur i ra sipër gjatë tërmetit.

Ndërsa tre personat e tjerë ndërruan jetë pasi një supermarket u shemb në qytetin Padada, teksa dhjetëra të tjerë kanë mbetur nën rrënoja.

Të paktën 24 persona në Padada janë evakuuar me sukses dhe operacionet e kërkim-shpëtimit po vazhdojnë akoma.

Ishulli i dytë më i madh në vend është një destinacion i popullarizuar turistik dhe videot e postuara në mediat sociale treguan pishina hotelesh që shfaqen në mënyrë dramatike të tejmbushur dhe evakuime masive të blerësve nga qendrat tregtare, shkruan CNN, transmeton Faxweb.al.

Banorët njoftuan se shkollat ​​ishin dëmtuar rëndë – për fat të zbrazura nga studentët në atë kohë, pasi tërmeti ndodhi të Dielën. Guvernatori Douglas Cagas i provincës Davao del Sur të ishullit tha se një ndërtesë trekatëshe gjithashtu ishte shembur. Klasat tani janë pezulluar për të hënën dhe urat janë mbyllur për shkak të çarjeve, thanë zyrtarët e qytetit Davao.

Presidenti i vendit Rodrigo Duterte ishte në shtëpinë e tij në Davao, qyteti më i madh në ishull, në kohën e tërmetit, raportoi Agjensia e Lajmeve Filipine e drejtuar nga shteti (PNA). Ai nuk pësoi dëmtime, megjithëse shtëpia e tij thuhet se “pësoi disa çarje në mure”.

Ndërkohë autoritetet kanë lajmëruar se nuk kishte asnjë kërcënim ndaj tsunamit, pasi tërmeti goditi tokën dhe jo ujin. Kujtojmë se në tetor një tjetër seri me tërmete me madhësi 6.6 dhe 6.5 goditi Mindanao, duke vrarë 14 persona dhe plagosur më shumë se 400.

(F.GJ/FAXWEB.AL)