Të paktën 91 persona kanë humbur jetën pas një tërmeti të fuqishëm që goditi ishullin indonezian të Lombokut.
Qindra njerëz janë plagosur nga tërmeti i së dielës, thonë zyrtarët, kryesisht në veri të ishullit.
Tërmeti magnitudë 6.9 ballë dëmtoi ndërtesat, shkaktoi ndërprerje të energjisë dhe u ndje dhe në Bali.
Autoritetet indoneziane lëshuan fillimisht edhe një alarm për Tsunami, por që më pas e tërhoqën. Epiqendra e tërmetit është lokalizuar rreth 2 km larg Loloan, më perëndim të ishullit, në një thellësi prej 10.5 km.
Sondazhi Gjeologjik i SHBA-së tha se tërmeti i fundit, jashtë brigjeve veriore të Lombokut, goditi nëntokën 10 km (6.21 milje). Më shumë se 50 vetë u plagosën.
Në ishullin fqinj të Bali, pamjet video treguan njerëz që vraponin nga shtëpitë e tyre duke bërtitur.
Ka pasur më shumë se 130 tronditje pas tërmetit që goditi të dielën në mëngjes.
Lëkundjet e tokës vijnë pas një tërmeti tjetër që goditi ishullin e arqipelagut indonezian, një javë më parë e që i mori jetën 16 personave.
(M.Q/Faxweb)
