Dy pasgoditje me magnitudë 3,1 dhe 2,7 Rihter u regjistruan në Kretë pas tërmetit me magnitudë 6.1 të shkallës Rihter.
Sipas kreut të OASP (Organizmi për Planifikim dhe Mbrojtje Kundër Tërmeteve ), Efthimios Lekkas, në lidhje me tërmetin e fuqishëm prej 6.1 Rihter ka theksuar se, është pozitive që kishte një thellësi të madhe fokale.
“Rajoni ka dhënë përsëri tërmete të mëdha. Nuk ka lidhje me harkun që ndodhet në jug të Kretës. Ishte një tërmet që ndodhi në kryqëzimin e dy pllakave tektonike, asaj europiane dhe asaj afrikane. Mjedisi tektonik në këtë zonë jep tërmete të tilla, ndaj duhet t’i kushtojmë vëmendje fenomenit .Duhet të shohim zhvillimin e tij”, theksoi ai.
Tërmeti u ndje gjithashtu edhe në Argos, Korinth dhe Athinë, si dhe në një pjesë të madhe të Greqisë jugore.
