Pas tërmetit 8.1 ballë që lëkundi bregun jugor të Meksikës mëngjesin e së premtes, numri I viktimave ka shkuar në 61.
Sipas presidentit Enrique Pena Nieto, të paktën 200 persona kanë mbetur të plagosur.
Tërmeti me magnitudë 8,1 ballë konsiderohet si më i fuqishmi që rajoni ka përjetuar në një shekull
Lëkundjet e fuqishme shkaktuan panik deri në kryeqytetin Meksiko si dhe në Guatemala ku u raportua të paktën një viktimë.
Ndërkohë sipas autoriteteve, ky tërmet ishte më i fuqishëm se ai i vitit 1985, ku mijëra persona humbën jetën. Bilanci më i ulët i viktimave të shënuara këtë herë shpjegohet me faktin se tërmeti goditi zona më pak të populluara.
Kjo tronditje vjen në një kohë kur Meksika përballet edhe me kërcënimin e Uraganit Katia në bregun lindor të vendit. Uragani i kategorisë së parë gjendet tashmë në jug-lindje të qytetit portual të Tampikos dhe sipas Qendrës Kombëtare të Uraganëve në Shtetet e Bashkuara, ka sjellë erëra me shpejtësi deri në 140 km/h.
(S.SH/Shuplaka)
