Ditën e sotme në Tiranë dhe në disa qytetet të tjera të vendit janë ndjerë lëkundje tërmeti. Nga ajo që informojnë emergjencat civile epiqendra ka qenë pranë Bulziqës.
Po ashtu deri më tani fatmirësisht raportohet të mos ketë dëme në njerëz.
NJOFTIMI:
Emergjencat Civile kanë dhënë detaje në lidhje me tërmetin e fuqishëm që goditi sot disa qytete.
Sot, në ora 12:30:59, Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=4.4 shkalla Rihter, e përafërt me 5-6 Ballë me epiqendër në fshatin Vinjollë, bashkia Mat, 13 km Veriperëndim të Bulqizës dhe 17 km në Juglindje të qytetit Burrel.
Sipas informacioneve të marra nga Njësitë e Qeverisjes Vendore Bulqizë, Burrel, Klos dhe Peshkopi, nuk ka dëme në njerëz dhe banesa.
Lëkundjet e tërmetit janë ndjerë lehtë në territoret e qarkut Tiranë, Dibër dhe Elbasan.
Specialistët e Qendrës Kombëtare Operacionale të Emergjencave civile po mbajnë kontakte të vazhdueshme me të gjitha njësitë e qeverisjes vendore dhe strukturat e Shërbimit të Emergjencave Civile, Policisë dhe Zjarrfikëseve. (E.K/SHUPLAKA)
