Tërmeti: Përfundon seanca maratonë ndaj 31 të arrestuarve, kërkohet arrest me burg për 13 prej tyre

Sapo ka përfunduar seanca gjyqësore ndaj 31 të arrestuarve ku përfshihen zyrtarë në Farkë, Vorë dhe Kashar në lidhje me pasojat e dëmeve që shkaktoi tërmeti i 26 Nëntorit.

Mësohet se pas 7 orësh seancë maratonë, është vendosur që vendimi për të arrestuarit të komunikohet ditën e nesërme.

Burime bëjnë me dije se Prokuroria ka kërkuar dënimin me burg për 13 prej tyre ndërsa për 7 të tjerë ka ndryshuar qëndrim nga kërkesa për “Arrest me burg” në një masë më të lehtë.

Ndërsa nga burime të pakonfirmuara ende mësohet se ndaj 5 personave është dhënë masa ‘arrest shtëpie’ dhe 13 ‘detyrim paraqitje’.

Për shkak të numrit të lartë të përsonave të arrestuar, gjyqtarja e çështjes është shprehur se të arrestuarit do të ndahen me grupe, dhe më pas vendimi do të jepet në mënyrë të njëkohshme për të gjithë.

Të arrestuarit u ndanë në dy grupe njëri prej të cilëve me 15 të pandehur dhe grupi tjetër me 16, ndërsa ata janë marrë pas përfundimit të dy seancave një e nga një.

Kujtojmë se mes personave të arrestuar me urdhër të Prokurorisë së Tiranës, janë dhe ish kryetarët e Komunave Kashar dhe Farkë, si dhe ish-zyrtarë të tjerë lokalë.

Emrat e të arrestuarve:

1. Fatbardh Plaku, ish-kreu i Komunës Farkë
2. Besnik Fuçia, ish-kreu i Komunës Kashar
3. Luan Beta, ish-kreu i Urbanistikës, Vorë
4. Anila Harxhi, arkitekte
5. Merita Kushi
6. Bukurije Halili
7. Asqeri Xhanari
8. Vjollca Hoxholli (ndërtuese)
9. Gerti Çalliku
10. Jani Ikonomi
11. Qirjako Gjergo
12. Sherbet Shehi
13. Naim Shehi
14. Ermir Çina
15. Adhurim Qehajaj
16. Gëzim Shkalla
17. Pëllumb Fortuzi (ndërtues)
18. Xhevahir Doda
19. Reis Muça
20. Hekri Disha
21. Agim Eski
22. Faik Fejzo
23. Zhaneta Tagani
24. Muhamed Felahi
25. Ndoc Pepkola
26. Hekri Disho
27. Fejzo Dyrmishi (ndërtues)

(F.GJ/FAXWEB.AL)