Një formacion shkëmbor turistik në Porto Riko është shembur pasi një tërmet i fortë tronditi ishullin, duke dëmtuar shtëpitë dhe duke shkaktuar ndërprerje të energjisë për mijëra banorë.
Harku prej guri, i njohur si Punta Ventana, u shkatërrua të hënën, kur ra tërmeti. Tërmeti me madhësi 5.8 goditi në një thellësi prej 6 km (3.7 milje), në brigjet jugore të ishullit të Karaibeve. Asnjë paralajmërim për tsunami nuk u dha dhe gjithashtu fatmirësisht nuk raportohet për viktima.
Sidoqoftë, pati raportime për dëme të mëdha në ndërtesa, rrëshqitje të dheut dhe ndërprerje të vazhdueshme të energjisë pas tërmetit, i cili goditi në 06:32 me kohën lokale (10:32 GMT) vendin.
Fotografitë e pasojave, që tregojnë shtëpi të ngritur nga themelet e tyre dhe makina të shtypura nën ndërtesa, u postuan në mediat sociale. Midis tyre ishte një foto e Punta Ventana pasi ajo ishte shembur në oqean, afër qytetit jugor të Guayanilla.
(F.GJ/FAXWEB.AL)
