Tërmeti shkatërrues i 26 Nëntorit la pas me qindra familje në qiell të hapur. Edhe pse e gjithë qeveria është në terren, banorët sërish ankohen se nuk po u jepet asnjë zgjidhje. Në zonën e Bubqit, e cila është edhe një nga zonat më të prekura nga tërmeti, familja Xhaferri po jeton në stallën e bagëtive.
Anëtarët e kësaj familjeje folën për gazetaren e FaxNews, Ema Shazivari, për të cilën u shprehën se stalla është e vetmja mundësi e sigurt ku mund të fusin kokën.
“Jemi dy familje që jetojmë në stallë e bagëtive pranë banesës. Kati i sipërm shtë shkatërruar plotësisht. Njërës prej banesave i është dëmtuar çatia, ndërsa banesa tjetër është e gjitha e rrënuar”, tha një prej anëtarëve të familjes.
Ndërsa zonja e familjes tregoi se shteti u ka vënë në dispozicion një çadër, por sipas saj është e pamundur të qëndrohet aty për shkak të të ftohtit sepse kanë edhe dy fëmijë të vegjël.
“Është shumë ftohtë. Unë jam me herrie diskale. Me zor qëndroj, me zor çohem në mëngjes. Nga halli robi ça nuk bëka. Skemi dyshek jo, kështu me batanije e kemi bërë. Prej hallit do rrish. Skemi ça bëjmë. Nuk them se këtë e hodhi natyra, por shteti s’na ka ofur ndihma.
Nga shteti nuk kemi marrë asgjë, vetëm nga Aulon Kalaja. Ka ardh edhe 1 këngëtare nga Tirana, na dha ca ilaçe e ca ndihma për kalamajt. Unë kam hyrë në banesë sa për të gatuar për fëmijët. Ju lutëm të bëjnë diçka. Inxhinieri na tha të mos hyjmë brenda. Po unë jamë futur tek kuzhina e vogël. Ju bëjmë thirrje të na vejnë çatinë për hir të fëmijëve. Jo për mua se ka edhe më keq se ne”, u shpreh ajo.
(M. I./ Faxweb.al)
Discussion about this post