Tre persona janë plagosur dhe një tjetër humbi jetën gjatë ceremonisë mortore të reperit të njohur Nipsey Hussle.
Hussle u vra muajn e kaluar në moshën 33 vjeçare, vdekja e të cilit mendohet se ka ardhur prej përplasjes së bandave.
Sipas policisë të Los Angeles, të plagosurit i përkasin moshës 30-50 vjeçare, ndërsa e vdekur ka mbetur një grua afroamerikane.
Edhe pse policia ka bërë thirrje vazhdimisht që të ndalohej dhuna gjatë ceremonisë mortore, duket se kjo nuk ka rezultuar e efekshme.
Efektivët thanë se të dyshuarit ishin në një automjet “Hyundai” gri, ndërkohë që mijëra fansa dhe të afërm të reperit shoqëronin arkivolin e tij. Incidenti ndodhi rreth 15 minuta larg vendit ku Nipsey u vra në mars.
Mijëra fansa kishin udhëtuar me qindra kilometra për të qenë në memorialin e reperit amerikan, Nipsey Hussle, i cili është vrarë me armë zjarri jashtë dyqanit të tij të veshjeve në Los Angeles, SHBA.
Për ngjarjen kanë reaguar dhe shumë personazhe publik si, Rihanna, Obama, dhe Ivanka Trump.
