Një makinë është futur mes turmës gjatë një parade karnavalesh në qytezën gjermane Volkmarsen.
Të paktën 10 persona kanë mbetur të plagosur dje, mes tyre disa fëmijë të vegjël, ndërsa shoferi është ndaluar nga autoritetet. Arsyeja e veprimit të tij mbetet ende e panjohur.
Gazeta gjermane “Bild” citon dëshmitarë okularë, që thonë se një Mercedes Benz ngjyrë argjendi u fut mes turmës dhe përshkoi rreth 30 metra para se të ndalonte.
Ndërsa “Frankfurter Rundschau” citon dëshmitarë të tjerë të cilët thonë se dukej sikur shoferi kishte për objektiv fëmijët që ndodheshin aty duke ndjekur paradën.
Volkmarsen është një qytezë e landit Hesse në Gjermaninë qendrore, rreth 280 km larg Berlinit.
Discussion about this post