Tre grabitje janë shënuar brenda 24 orësh në qytetin e Vlorës, duke shkaktuar terror tek banorët e këtij qyteti. Mësohet se dy grabitje janë shënuar vetëm gjatë mëngjesit të sotëm, ndërkohë që e para u shënua mëngjesin e djeshëm.
Burime të policisë kanë bërë me dije se grabitja e parë u shënua në lagjen “Isa Boletini” në Vlorë, ku persona ende të paidentifikuar kanë grabitur me armë një pikë karburanti.Gjatë grabitjes, ata i kanë marrë rojës shumën prej 8.000 lekësh.
Dy grabitjet e tjera janë shënuar brenda një ore në qytet, ku skenart kanë qenë të ngjashme. Raportohet se në orën 02:30 minuta të mëngjesit të sotëm në rrugën “Transballkanike” dy persona të maskuar dhe të armatosur kanë grabitur një karburant.
Burime të policisë shprehën se grabitësit i kanë marrë rojës shumën prej 15 mijë lekësh dhe më pas janë larguar. Pa kaluar as 1 orë, është shënuar grabitja e dytë, ku është arritur të grabitet shuma prej 5 mijë lekësh. Rasti i dytë është shënuar në lagjen “Pavarësia” të Vlorës. (XH.A/SHUPLAKA)
Discussion about this post