Dy persona të dyshuar si pjesë e Shtetit Islamik, janë vënë në prangat e autoriteteve të sigurisë në Spanjë.
Ministria e brendshme spanjolle bëri me dije se dy të dyshuarit janë arrestuar në qytetin spanjoll të Ceuta-s, në kufi me Marokun, pasi mendohej se ishin të gatshëm të kryenin sulme terroriste.
Ende nuk ka informacione mbi identitetin e tyre dhe nëse të ndaluarit janë shtetas spanjollë. Gjatë këtyre dy viteve, autoritetet spanjolle kanë vënë në pranga 108 persona të dyshuar si terroristë të ISIS-it, pjesa dërrmuese e të cilëve të arrestuar në qytetin e Ceuta-s. (XH.A/SHUPLAKA)
Discussion about this post