Frika nga terrorizmi ka trembur autoritetet europiane dhe jo vetëm. Aksioni më i fundit vjen nga Italia në luftën kudër terrorizmit. Autoritetet e sigurisë në Itali kërkojnë dëbimin e emigrantëve ilegalë që gjenden atje. Me ardhjen në krye të detyrës të Paolo Gentilono, pasardhës i Renzit duket se masat e sigurisë do të shtohen.
Mesa duket këto masa kërkojnë ta mbajnë sa më larg ndonjë sulmi të mundshëm shtetin Italian. Një raport dy faqe është dorëzuar në të gjitha stacionet e policisë në Itali për të rritur përpjekjet për deportimin e emigrantëve ekonomikë. Dokumenti është hartuar nga shefi i policisë Franco Gabrielli dhe është botuar në gazetën Corriere della Sera.
Italia do të hapë 16 qendra të paraburgimit për emigrantët sipas rregullave të reja, kur të burgosurit do të qëndrojnë aty deri në momentin e deportimit. Vitin e kaluar numri i emigrantëve që kanë arritur në Itali është pesëfishuar. Më shumë se 500 mijë emigrantë kanë arritur në Itali gjatë tre viteve të fundit. Zyrtarët kanë theksuar se numri i të vdekurve në Mesdhe ka kaluar numrin 4,400. Italia gjatë vitit të kaluar është vërshuar kryesisht nga emigrantët që nga Libia kalonin në Itali.
Discussion about this post