Mbrëmjen e sotme kryeqyteti i Anglisë Londa, është tronditur nga një tjetër sulm terrorist. BBC shkruan se një furgon ka kaluar në zonën e këmbësorëve në Urën e Londrës, duke goditur të paktën 20 persona.
Policia është vënë në lëvizje duke bllokuar urën në të dyja drejtimet, ndërsa ambulancat janë vënë në ndihmë të qytetarëve. Ende nuk ka një raportim mbi numrin e saktë të të lënduarve.
Një dëshmitare okulare, Samantha Wilde, ka folur për BBC-së duke thënë se ka parë diku tek 30 -40 ambulancave në vendngjarje dhe policisë së armatosur. Ndërsa raportohet se njerëzit vraponin të tmerruar nga frika. Përveç sulmit me furgon, karakteristikë e ISIS, pati edhe njoftime për të shtëna me armë.
Anglia është në gjendje alarmi që pas sulmit në një koncert të Ariana Grandes në Mançester, ku 22 persona humbën jetën, pjesa më e madhe të mitur, dhe 59 të tjerë mbetën të plagosur. (D.D/Shuplaka)
Discussion about this post