Ka shkuar në nëntë numri i të arrestuarve në kuadër të operacionit të koduar të policisë, “Illegal Bills”. Janë vënë në pranga shtetasit:
1.Ibrahim Lici, 24 vjeç, banues ne lagjen Guerile, Shkodër.
2. H. L, 16 vjeç, banues në lagjen Guerile, Shkodër
Ata akuzohen për veprën penale “Shtrëngim me anën e kanosjes për marrjen e pasurisë”, “Krijim të grupit strukturuar kriminal” dhe ” Kryerjes së veprave penale nga grupi i strukturuar kriminal”.
Operacioni u finalizua një ditë më parë pas rreth 6 muajsh hetime. Shtatë persona ranë në prangat e policisë, koka dhe pjesë të grupit që vepronte prej Tetorit 2016.
U arrestuan dje:
1.Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
2. Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
3. Denis Zaim Skutina, i vitlindjes 1993 , në Shkodër dhe banues në Lagjen “Naim Gjylbegu”, Shkodër.
4. Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
5. Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
6. Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
7. Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder.
Referuar hetimeve të Prokurorisë së Krimeve të Rënda, drejtuesit e këtij grupi kriminal angazhonin anëtarët e tjerë të grupit që, në çdo fund muaji të merrnin nga çdo tregtar në Tregun e Zdrales, të Rrugës së Gjerë të Kirasit, etj., shumat nga 1000 lekë deri në 3000 lekë.
(XH.A/SHUPLAKA)
