Rigers Xhemollari, nga lëvizja Qëndresa Publike ka publikuar dje tezën e matematikës ndërsa po zhvillohej provimi nëpër gjimnaze.
I ftuar në Fax News, Xhemollari u shpreh se qëllimi ishte për të denoncuar fenomenin dhe se këto informacione kanë ardhur në rubrikën “Maturant Raporto”
“Teza që na sollën ne nuk kishte për qëllim që maturantët të kopjonin, por për të denoncuar fenomenin. Këto informacione i kemi në kuadër të monitorimit të Maturës Shtetërore.
Në monitorimin tonë ata nuk duan që të nxjerrin identitetin. Por mund të them që teza e fotografuar ka ardhur nga rrethet.
Teza ka ardhur rreth orës 10:30. E kemi shpërndarë menjëherë, që të shërbejë si alarm për sistemin. Këtu ka qenë gjithmonë ideja për të centralizuar gjithashka në duart e ministrave. Sistemi nuk po funkionon.
Është sistemi që prish të gjithën. Një nga masat mund të ishte bllokimi i valëve. Kemi nevojë për një sistem të ri merite.”
Ndërkohë që për sa i përket reagimit të ministrisë së Arsimit, e cila ftoj prokuroinë që të hetojë rastet që publikuan tezën, Xhemollari u shpreh se nuk është thirrur dhe se denoncoi një çalim të sistemit.
(M.Q/Faxweb)
Discussion about this post