Henri Çilit, sipërmarrësit të një universiteti privat dhe analistit që kërkon me ngulm një mandat të dytë për Ramën, i ka dalë teza e parë, hedhur në publik ditë më parë.
Çili artikulonte se ministri i Punëve të Brendshme duhej të shkarkohej, si një zgjidhje për protestën e opozitës para Kryeministrisë.
Dhe në fakt disa ditë më pas kryeministri Rama e shkarkoi Tahirin. Por dje në studion e ”Zonë e Lirë” të Arian Çanit, Çili hodhi një tjetër tezë: ndarjen e koalicionit Rama-Meta në 15 prill dhe futjen e tyre më vete në zgjedhje.
“Unë e kam argument jo parashikim. Ky koalicion zgjat maksimumi dhe një muaj. Rama dhe Meta nuk do të hyjnë bashkë në zgjedhjet e 18 Qershorit. Pra, do të garojnë në vete, nuk do të ketë një koalicion parazgjedhor”, tha Çili.
Mbetet të presim a do dalë ky parashikim. Ndoshta Çili di gjëra që publiku apo njerëz të tjerë të medies as nuk kanë shansin t’i dinë…(V.G/SHUPLAKA)
Discussion about this post