Një adoleshente në Mbretërinë e Bashkuar, e cila po përballet me burg në Qipro pasi u dënua për deklarim të rremë, i është lutur Boris Johnson që ta ndihmojë për ta kthyer në shtëpi.
19-vjeçarja, e cila thotë se policia qipriote e detyroi atë të tërhiqte pretendimet e saj, i kërkoi kryeministrit që personalisht të hynte në mënyrë që ajo të kthehej në familjen e saj.
E reja u lut për ndërhyrjen personale të Kryeministrit para seancës dëgjimore të së martës pasi ekspertët ligjorë në Mbretërinë e Bashkuar dhe Qipro kërkuan që ajo të falet.
Kujtojmë se 19 vjeçarja u dënua, pasi pretendoi se gjatë pushimeve në Qipro u abuzua seksualisht nga 12 persona, ndërsa Gjykata arriti në përfundimin se ajo kishte gënjyer, dhe seksi kishte qenë konsensual.
“Unë jam 19 vjeç dhe gjithçka që dua të bëj është të pastroj emrin tim dhe të kthehem në familjen time.
Unë do t’i thoja Sekretarit të Jashtëm dhe Kryeministrit, të dy janë baballarë, ju lutem më mbështesni me veprimet tuaja, jo vetëm me fjalët tuaja. Koha po mbaron për mua. Ju lutem, ju lutemi ndihmoni”, është apeli i 19 vjeçares.
Nëna e të resë i bëri thirrje sot qeverisë së Mbretërisë së Bashkuar të jepte të njëjtin nivel angazhimi që tregoi për vdekjen e Harry Dunn.
Nëna tha: “Vajza ime mirëpret mbështetjen e Zyrës së Jashtme, por deri më tani qeveria britanike ka ofruar fjalë dhe jo veprim. Vajza ime dhe unë kemi parë se si Kryeministri ishte kohët e fundit personalisht i përgatitur të shtyjë Presidentin e SHBA për veprim në rastin tragjik të Harry Dunn. Ajo do të donte që Kryeministri dhe Z. Raab tani të tregojnë të njëjtin angazhim.”
Nëna tha që Mbretëria e Bashkuar duhej të vepronte menjëherë për të siguruar mbështetje për vajzën e saj, e cila po vuan nga sëmundja e stresit post traumatik.
Ajo shtoi: “Vajza ime është një qytetare britanike që ka vuajtur aq shumë, tashmë në duart e sistemit gjyqësor qipriot dhe ka nevojë të madhe për ndihmë mjekësore në Mbretërinë e Bashkuar”.
Mbetet për tu parë nëse qeveria britanike do të ndihmojë në kthimin e 19 vjeçares në shtëpinë e saj, apo ajo do të vuajë dënimin me 1 vit burg në Qipro.
Lexo edhe:
(E.K/Faxweb.al-Burimi: The Sun)
